賈思樂將於本月尾在文化中心舉行兩場音樂會，昨天他在新城接受訪問，今次音樂會，他得到很多老友支持，其中羅慧娟丈夫買了40張VIP門票（每張1,280元），而且他還感激老友譚詠麟（阿倫）的幫忙，他說：「我哋30年前合作過，最初透過佢秘書聯絡，搵佢做嘉賓，本來我打定輸數佢唔會應承，點知佢答應，仲肯畀我喺宣傳海報出埋佢張相，佢話撐我撐到底，聽到好感動，有眼濕濕。」
不惜工本佈置
另外，自言要求高的賈思樂，個唱投資7位數字，就算連會場的佈置也經過一番心思，他說：「台邊嘅花，我由荷蘭訂都要幾萬蚊。同埋我連遮位嘅布都要用天鵝絨，影相影埋去會立體啲，同埋地下本來係木地板，我會鋪黑色地毯。」現時門票已賣出8成，他表示有機會可能加場。
採訪、攝影：王連連