李安大導應該叫李安大盜，最擅勾起大家長期抑壓嘅無邊慾念，當大家專注睇佢表達嘅意識形態，不知不覺間已俾佢偷走眼淚。
佢今次又出招，唔拍悲情片嘞，但相信一樣會激發感動嘅眼淚；有時間一定入場走入呢個圈套，甘心俾佢「撻嘢」。
每人心中都有個胡士托，意大利波死硬派擁躉都有，喺義無反顧為意式防守美學護航嘅同時，內心深處都有一絲想解放嘅慾念，想睇激情足球。傳統使然，羅馬、拿玻里踢法上總愛扒逆水，永遠向前，最衰嘅時候都有睇頭，難怪兩軍深得本報筆名叫視而不見嗰個編輯熱愛。我冇話捧邊隊，只信呢場「大」戰會好睇過車仔對紅軍。
藍鑽石
近5場往績：WWLWW
入球大細：羅馬大
心得：鬥攻，好難唔大