上個禮拜同班朋友食飯，當中有人對塔羅牌有啲研究，我梗係唔會錯過機會，問番幾條問題啦。占得準唔準就唔講，之不過我覺得塔羅牌其實同風水命理或者拜黃大仙一樣，信就有唔信就冇，不過我認為可以當作一個參考，特別係喺唔知點做時，或者可以當作一盞明燈，引領你走出迷宮。
講開明燈，我喺上個月做燈神，但之後反而走勢好咗，喺《開倉版》連續攞咗6個W。曼城喺今季頭6場英超5勝1負，有人認為係實力嘅表現，亦有人覺得符碌。雖則射手艾迪巴約好乞人憎，但佢哋班波人腳真係幾強，而且我睇過佢哋比賽，踢落真係有睇頭，所以嚟緊禮拜一佢哋作客阿士東維拉，信佢哋可令我增添至7個W。
青蛙仔
近5場往績：WWWWW
讓球：曼城（平）
心得：曼城班波真係幾堅