歐聯過後，又回到本土聯賽，一眾強隊又要馬不停蹄上陣，雖然有舟車勞頓之苦；不過打得歐聯的球隊，其實力於本土聯賽肯定綽綽有餘，所以今個星期就介紹兩支於歐聯有好表現的球隊。
禾夫斯堡作客對波琴一戰，筆者較睇好這支上屆德甲的盟主，雖然他們於歐聯不敵曼聯，但表現並不失禮；加上前線殺手迪施高「士哥」頻頻，日本外援長谷部誠又有好表現，球隊狀態十足，回師聯賽打番3箭頭，攻力肯定有保證，就算作客要打折扣，依然游刃有餘。
有主場之利的波琴，其前鋒質素毋庸置疑，特別是箭頭基利莫域斯威脅力十足。可惜前面擺大頭，後面危危乎，面對禾夫斯堡應難以招架。
馬賽鋒銳看高一線
另一場心水是馬賽對摩納哥，前者於歐聯都是輸波而回，以0:3負皇馬，但馬賽的表現絕不失禮，整體發揮比想像中好，輸波實屬非戰之罪；今仗回師聯賽，確實可以看高一線。防線有文丹達及蘇利文尼迪亞華拉壓陣，予人足夠信心；中場有艾比爾及麥亞比兩位雙防中，穩陣有餘，加上前線有狀態大勇的尼安及路爾斯干沙利斯，只要今仗保持周中時的表現，贏波機會高唱入雲。
客軍摩納哥雖暫列第7，但由開季至今都未受過真正考驗，不可信。
丘建威
有線足球評述員
電郵：mailto:[email protected]
全日重心
主客和過關：星期六20禾夫斯堡勝（1.7）x
星期日56馬賽勝（1.5）2x1