討厭香港電視節目經常抄抄襲襲，除咗事事旦旦嗰個電視台，因為獨市生意兼客源要照顧大眾而不思進取外；我哋經常都會留意體育節目，嘩，話晒對象好多都係後生嘅波友，但嗰啲推廣短片，真係抄得嚟都幾核突，一味將人啲舊歌新詞翻唱，再唔係連人哋免費電視抄番嚟嘅台灣歌唱節目，都抄上抄，變成自己嘅宣傳產品，老土得嚟又冇人有感覺。嘩，你估家係國慶慶祝活動，十九幾個台聯播咩！
賭波最好可以百花齊放，你賭英超或澳職，派彩嘅彩金都差唔多；小弟近排賭日聯手風欠順，係時候「扭台」攻番英國波，今晚早場英冠有出擊信心，捧主場普雷斯頓掃走西布朗，絕對唔係事事旦旦！
蘋果波神
近5場往績：LDDWL
讓球：普雷斯頓（平）
心得：打得密，英冠早場主隊好着數