NBA新賽季月尾展開，聯盟周三就公佈新嘅媒體守則，上至班主下至球員都要遵守。為咩搞到咁大陣仗？咪就係班球員玩社交網站玩到無晒分寸囉！好似活塞前鋒雲拉路華上季比賽中場休息，都要上網updte自己嘅twitter，咁搞法點集中精神比賽？所以聯盟呢次「好絕」咁頒佈唔准球員喺「比賽時間」玩twitter，「比賽時間」係指比賽前45分鐘至賽後記者會完結為止，連中場休息都禁埋；熱火、快艇等球隊上周早就落咗禁令，當然舉腳贊成啦！至於上季季後賽喺twitter失言畀聯盟罰款嘅小馬班主古賓對政策就sayno，唔知遲吓會唔會再有火爆言論呢？