李柱銘兒子李祖詒去年成為執業大律師，八方聽聞早前佢獲委託，代表譚香文處理誹謗案，結果唔使上庭就庭外和解，對方要畀近百萬元。
事緣07年區選前，有人向平機會、區議會、立法會及公民黨發信，批評譚香文做星河明居業委會有私心，譚香文認為聲譽受損，誓要打官司討回公道。佢同八方講，一直認為勝算十足，庭外和解係意料中事。
根據和解協議，相關人士本月初已在報章公開道歉，並讚揚譚香文「無私奉獻」做公職，佢對誤解感到後悔，聲明書同時喺星河明居內張貼，有消息指幾人仲要付出近百萬元司法費用。譚香文話今次唔係要賠償，最緊要係還佢清白，希望日後唔好再有同類事件發生。