樂壇校長譚詠麟（阿倫）前晚擔任新城音樂會的壓軸表演嘉賓，醉酒格鬥主角之一側田也在場，兩人在後台寒暄一番，阿倫表示未有在側田面前提及格鬥事件，並叮囑各人不要多談，但他訪問期間卻多番取笑側田，更提議他不如參考網上熱爆的「黑人髮帽」片段，實行帽人合一。
譚詠麟、劉美君、古巨基、側田和徐子珊等前晚到亞洲博覽館演出新城「18巨星匯聚慈善音樂會」，由徐子珊打頭陣，可惜現場演唱兩首快歌《HitMe》和《讀心術》時甩嘴走音兼冇氣，舞步生硬。格鬥主角之一側田唱《B.O.K.》和《命硬》後說：「我想對呢個星期打過畀我同sms過我嘅人講多謝，多謝支持，I'llbeok。」當晚側田未有接受訪問，大部份時間都留在保母車上。
事後阿倫表示在後台見到側田，又謂對側田和曹格打架略有所聞，阿倫認為兩人皆知錯，希望大家不要多提。阿倫透露見到側田時只談音樂，未有提及打鬥事件，但他竟口不擇言取笑側田說：「唔通問佢用乜嘢膠水咩，洗得頭應該冇事。其實頂帽係咪頭髮造o架？係咪buildin咗？可以參考吓嗰個喎。」阿倫擺明是指近日網上熱爆的「黑人髮帽」片段。
呼籲給兩人機會
記者笑問阿倫不如提議側田豁出去不戴帽？他聞言卻裝正經表示不想多談，但轉頭他又笑說：「係咪想睇佢過關時個樣？冇嘢喎。」他又認為曹格取消下月演唱會是好事，因為好讓他冷靜情緒，阿倫坦言曹格可能有情緒病，寄語外界給他們冷靜機會，他說：「家都引發好多問題，好似洗唔洗得頭咁。」
徐子珊自知失禮
表演失準的徐子珊甫坐下便自知失禮說：「又唱又跳係有啲吃力，加上又係opening，所以比較緊張，我都唔係100%滿意，又有鼻敏感，好。」會否改唱慢歌？徐子珊表示外界覺得她頗適合唱快歌，故此已盡量抽時間練歌。
基仔也表示有問候側田，會否提議他織髮一勞永逸？基仔表示不會多談。基仔又知道有四川電視台主持人拿黃家駒開玩笑，他表示很憤怒，更鬧他「好衰兼心地壞」。
採訪：王連連
攝影：陳順禎、黃偉雄
