官恩娜（Ella）近日於《超級巨聲》與參賽者合唱，被雷頌德讚唱功好而人氣急升，昨日她與Rapper日華到商台接受訪問，她提到此事時表現激動，更自爆工作量激增。
感謝雷頌德
Ella說：「呢排好多網民上網留言支持我，節目播出至今日日都收到朋友SMS鼓勵我，我真係好開心，同埋我份人好易喊，有時諗諗吓會好激動想喊出嚟。」Ella揚言雷頌德是她的恩人，令大家開始留意她的工作，她說：「以前大家都係留意我嘅花邊新聞，家大家會記得我係唱歌嘅。」
Ella對於網民將她與謝安琪（Kay）作比較，她說：「其實大家唔好將音樂嚟比較，我冇睇過網民整嗰啲片，其實唱歌好講狀態，香港做藝人好忙，有時會因為咁而影響狀態。」
採訪、攝影：李珮洳