謝天華、草蜢和黃蕊前晚在紅館綵排國慶騷，早前傳出天華搭上奀星王璐瑤，因而與妻子Tina感情不穩。天華前晚接受訪問時自爆每天與太太努力造人，非常恩愛。
謝天華早前被指搭上奀星王璐瑤，之後其妻Tina因胃抽筋入院，繼而傳出天華打老婆的消息，及後夫妻二人到馬爾代夫度假力證情不變。天華前晚與草蜢及黃蕊到紅館綵排國慶60周年文藝晚會，問天華與太太是否造人成功？他說：「日日都造，趁後生有時間咪乜嘢囉。」
感激妻子力撐
天華表示工作沒有受到早前的報道影響，他說：「好彩冇影響到工作，好開心啲人知道真相，我都唔想有人誤解而影響工作。」問天華與太太的感情是否好轉？他說：「唔可以話好番好多，而係一向都冇壞，經過今次認識到要齊心先可以解決問題。如果得我一個，冇咗太太出嚟，件事冇可能咁快解決，呢一次係一個好好嘅體驗。」天華透露將與張智霖到北海道拍劇，但Tina不會同行。
此外，草蜢表示十多年前曾與天華合作過，當時天華仍是舞蹈員，他們大讚天華的舞技沒有生疏，他們說：「佢家舞技昇華，叫做謝昇華，仲跳laughingdancing。」
採訪、攝影：馬建華