谷祖琳和谷德昭昨日接受商台節目的錄音訪問，大談有關思覺失調這個病。其實二人是思覺失調學會的會員，因家人也曾患這病，令他們更大力宣揚。肥谷說：「個個artist都好好，見親我都話有乜可以搵佢哋幫手。阿Kay（謝安琪）真係有心幫，話有乜嘢都可以搵佢。至於Eason（陳奕迅）問過我，做乜要搵佢同阿Kay合唱，我覺得佢兩個最有影響力嘅歌手，佢聽埋歌嘅意思，就即刻應承。」
重提患病弟弟
兩人稍後還會到學校舉行座談會，谷祖琳重提弟弟患病時的感受，她說：「最初察覺佢有唔同，見佢控制唔到喊，但又唔係唔開心，後來帶佢睇精神科，後來先發覺，同患者初期傾多啲偈係有幫助，好過去睇醫生。」谷德昭母親患病後期，演變成抑鬱症，他說：「我見醫生係幫佢醫病，但我哋個個忽略咗精神嗰方面。」
撰文：林妃