皇子必殺技:紐記降班重新上路 - Leung

皇子必殺技:紐記降班重新上路 - Leung

紐記也經歷金融海嘯,當佢哋嘅主要贊助商northernrock爆煲後,球會衰到16年嚟首次降落英冠;但世界經濟反彈,這支東北大會降級即變大老虎,得番上季一半戰力仍能企喺一哥位,今晚迎戰昆士柏流浪,唔同班,主W有得分可作重心。
做死硬派擁躉有時冇得揀,只能同球會同喜同悲,遇啱個好大喜功靠炒賣置富嘅肥佬班主艾殊利,市況不就,紐記運勢即下滑;今年初賣走鋼門基雲畀曼城,注定之後有舒利亞做臨時領隊都救唔番,連精神領袖卜比Sir都魂歸天國,衰到貼地惟有硬着頭皮重新上路。

博曼聯「大」勝禾堡

好彩佢哋同米堡一樣,爛船有三斤釘,落到英冠即可也文也武,現時上季3支降班隊企喺前4,證明兩個聯賽差距大;冇前鋒靠路蘭移前打箭頭都得,球會有成績,肥佬標價1億鎊賣盤都終於有眉目;相反今次對手係有老細比亞托尼出事嘅昆士柏流浪,主W穩開。
次選博曼聯對歐聯初哥禾堡開入球「大」,個個話傑斯老來嬌,其實史高斯一樣咁勁,聯賽停賽,儲火打歐聯,今晚博埋首球都得。
最後想借本欄祝賀雲格喺阿仙奴度過13個執教年頭,雖久未嘗冠軍滋味,但球會財政健全,捧盃亦唔少;做擁躉嘅樂多於憂,至怕捧嗰隊變咗紐記都唔羨慕變曼城,知足者常樂。(下次見報日:周六)
文:Leung
簡介:不理盤路,不信陰謀論,最重勤力睇波,跟足軍情,吼準一擊。

今日精選

星期三10曼聯大(1.68)x星期三15紐卡素勝(1.62)2x1
星期三10曼聯勝2:1(8)、3:1(11)x星期三15紐卡素勝2:0(7)、2:1(7)2x3
簡評:兩隻大老虎主場開殺戒