香港空氣越嚟越差，家人人都重視環保，偏偏政府做空氣質素指標檢討又係就住就住，睇怕過咗下個月個公眾諮詢期後，又會拖一排。最近就有個關注空氣新組織「健康空氣行動」，成員除咗陸恭蕙呢班長年作戰嘅環保鬥士之外，組織司庫黃元山喺金融界亦都大有來頭，唔好睇佢僅僅30出頭，佢曾經出任倫敦雷曼兄弟副總裁，喺雷曼倒閉之後都畀咗唔少意見班苦主。
離開投資銀行，無啦啦落手落腳關心空氣質素，實際係有原因嘅，原來黃元山自細已經有哮喘病，住喺外國時候就冇問題，返到嚟香港耐不耐就發作。佢話個會唔講政策、唔理政見，關注空氣嘅活動一概支持，佢哋喺網頁同facebook宣傳空氣污染禍害，市民可以上網簽名響應。