廖碧兒（左）同陳法拉噚日齊以露肩裝到金鐘出席化妝品活動，但係同o靚模比較似未夠性感，陳法拉話：「唔通真係要除晒先夠sexy？我唔會同o靚模比較，因為大家唔同。」至於之前傳俾無綫雪藏嘅廖碧兒，完成新劇《談情說案》客串戲份，咁少戲係咪同雪藏有關？廖碧兒話：「之後我有嘢要去外國做，所以只可以客串。」