樂基兒和黎明結婚已一年，在藝術中心學繪畫的她，昨日在中環行騷時透露正為黎明畫肖像，但黎明飛來飛去兼坐不定，惟有對相畫畫。同場的諸葛梓岐和Neway太子薛嘉麟拍拖多時，她卻自爆不會同居兼甚少過夜，皆因她有潔癖，怕惹男友生厭傷感情。
謝婷婷、樂基兒、諸葛梓岐（Marie）和「翻版徐子淇」鍾浠文等，昨日在中環isola為MMissoni09秋冬系列行騷，並慶祝品牌攻港周年紀念，眾人在台上分享難忘的周年經驗。Marie謂一年出糧一次，一次過請了全家去旅行，鍾浠文則剛來港工作一年。
下月放假冬眠
早前樂基兒和黎明結婚一周年，問她紀念日怎度過？她說：「食飯囉，冇大搞，我都唔記得嗰日使唔使工作。我哋之前講好，大家唔需要送（結婚周年紀念）禮物，唔使咁多expectation（期望），平日送都得，有時佢坐飛機會買dutyfree香水畀我。」
習畫的樂基兒透露正在畫黎明肖像，她說：「但佢冇時間坐定定畀我畫，家惟有用相嚟畫，但未完成。」她謂下月開始會放每年例牌的冬假，笑言要變做「PandaBear」（啤啤熊貓）。
Marie潔癖拒同居
Marie早前被影到睇呎價3萬元的九龍區豪宅，她昨日說：「睇吓啫，其實我鍾意香港嗰邊，唔係好慣九龍，因為諗住喺香港長住，但家啲樓太貴，寧願買地產股好過。」不過Marie直言希望買千萬豪宅，問她可是當做嫁妝？她說：「點會一層係嫁妝？計劃係買千幾呎，到時一齊住囉。」她透露沒有和男友同居，因為習慣和工人一齊住，也甚少去男友家過夜，她說：「好少，因為怕大家生活習慣唔同，我有潔癖，如果佢唔鍾意，會影響感情，我同以前男朋友去旅行，都係分開房瞓。」
採訪、攝影：JessicaNgan