10月是香港國際爵士音樂節，10月1日及10日圓方頂層露天廣場將上演兩場爵士音樂會，本地18人大樂隊及德國知名樂手MichaelSchiefel及日本的小沼洋介等都會到來獻技。廣場旁幾間餐廳更特別推出「音樂套餐」，到時直情可以聽聽爵士嘆嘆和牛了。
記者︰黃家欣
攝影︰梁細權、譚盈傑
模特兒︰Mandy@PureModels
網上短片睇爵士樂隊表演及法式火水爐煎大蝦。
爵士音樂會日期及時間：
10月1日６pm開始
10月10日4:30pm-8pm
Gourmet×Jazz
爵士發源地火燄海鮮
為配合今次爵士樂主題，主打意北菜的Joia，其意籍總廚Alessandro專程找來Jazz發源地美國新奧爾良入口的海鮮，配合源自法國獨特的「flame」烹調法，大廚準備好材料，就交由經理Franco在食客面前即席炮製菜式，跟爵士音樂表演同樣有睇頭。其中一道地中海式煎蝦，Franco用一個法式「火水爐」，先將橄欖、車厘茄再加入蝦汁、白酒煮熱，再放入新鮮海蝦煮至變成火紅色，大蝦煮熟後香氣四溢，滲出淡淡酒香，入口肉質爽彈，帶番茄的酸甜。一邊品嚐美食，一邊欣賞Franco的烹調表演，還有精采的爵士樂表演，眼睛、耳朵和口，三重享受。
Franco說只有餐廳經理，才可在食客面前表演這個法式「flame」烹調。
地中海式煎蝦
鮮蝦肉質夠厚，彈牙爽口，入口鮮甜，帶番茄酸甜及酒香。
海鮮意大利飯
正宗做法飯身較硬，口感煙韌，帶海鮮香氣。
雜錦炸魚伴炸菜
魚肉厚片炸得外脆內嫩，還有炸魷魚等，鮮味澎湃。
經典橙味班戟伴呍呢拿雪糕
以「flame」即席炮製，橙汁和糖煮溶，浸透班戟皮，甜中帶果香，伴自製雪糕。
Gourmet×Jazz套餐$588四道菜：
地中海式煎蝦、雜錦炸魚伴炸菜、海鮮意大利飯、經典橙味班戟伴呍呢拿雪糕
JoiaRistoranteItaliano（23822323）
圓方3樓R010號舖
晚市時間：6pm-12mn
華麗爵士
日法合璧天婦羅拼沙巴翁
Fusion菜就食得多，原來fusion這個概念，正是來自爵士樂，今次D.Diamond就設計多道拿手的西、日fusion菜式。頭盤生蠔天婦羅伴山葵沙巴翁，以薄薄一層天婦羅漿蘸上肥美生蠔，炸得外脆內滑，再淋上經典法式甜品沙巴翁漿，以蛋、牛油、甜酒混成，還特別加入日本山葵，帶微辣，口味相當創新。總廚Bryan又指，肉質嫩滑濃郁的燜牛面頰，就好比喇叭的高音，入口一陣醒神濃味，嗒落別有韻味。為令樂章畫上圓滿句號，Bryan特別炮製一道朱古力味濃郁的甜品，以極濃郁的朱古力漿淋在蛋糕之上，在香濃可可香氣包圍下，隱約嚐到蛋及果仁香，上面放有一片金箔，更感名貴。
燜和牛面頰及牛柳
牛面頰燜得軟腍富肉香，配搭有咬口的牛柳，口感層次豐富。
生蠔天婦羅伴山葵沙巴翁
以日本天婦羅fusion法式沙巴翁甜品，口味出奇和諧，滲清甜山葵香。
果仁朱古力蛋糕伴朱古力醬
蛋糕富朱古力香，粒粒果仁有咬口，淋上朱古力醬，可可香氣四溢。
華麗爵士樂套餐$580四道菜：
番茄湯伴脆芝士片、生蠔天婦羅伴山葵沙巴翁、燜和牛面頰及牛柳、果仁朱古力蛋糕伴朱古力醬
D.Diamond（21968126）
圓方3樓R001號舖
晚市時間：6pm-10:30pm
高音譜號
希臘傳統紅酒燜魷魚
Olive的澳洲總廚Michael當正自己是音樂家，說廚房的平底鑊、鑊鏟就是他的樂器，今次特別炮製出多款地道希臘及摩洛哥菜式。頭盤紅酒燜魷魚伴辣洋葱就是正宗希臘菜，先將紅酒汁煮熱，再放入魷魚煮熟。魷魚肉質肥美彈牙，酒香勁濃，鮮味十足，墊底伴傳統的豆茸，味道清甜，襯托出魷魚鮮味。黑鱈魚柳以摩洛哥香料慢煮烤香，味道不濃，微辣，卻能帶出魚的清甜，加入少許檸檬汁吊味，味道更具層次。Michael說食物和音樂都是給人enjoy的，希望食客可一邊享用美食，一邊欣賞優美的爵士樂。
紅酒燜魷魚伴辣洋葱
傳統希臘菜以香濃的紅酒慢火燜魷魚，肉質鮮味彈牙，非常爽口，帶濃濃酒香。
香烤黑鱈魚柳
黑鱈魚以摩洛哥香料烤香，微辣，肉味清甜鮮味，餘韻無窮。
高音譜號套餐$518三道菜：
紅酒燜魷魚伴辣洋葱、香烤黑鱈魚柳、蜜糖批伴玫瑰及杏仁奶
Olive（28108585）
圓方3樓R008號舖
晚市時間：6pm-10:30pm