鴉片戰爭後，香港開展了長達百年的流離。1983年，香港主權問題尚未明朗，兩大學生會率先表態，去信總理趙紫陽，表達對民主回歸的期盼，趙翌年回信，表示「民主治港是理所當然的」。一直到1989年6月，天安門傳來槍聲，當年收下趙紫陽回信的港大學生會會長馮煒光猛然自省，他們是否對不起香港的下一代？
曾寫信給趙紫陽
八十年代初，香港前途未明，行政立法兩局以致社會各專業界別仍未表態，中大學生卻率先支持回歸，「82年戴卓爾夫人去完北京嚟香港，中大學生去啟德機場示威，反對三條不平等條約。」
1983年9月，中英雙方未就香港前途問題達成共識，港人出現信心危機，股災爆發，同年10月香港實施聯繫滙率制度。港大學生會就香港前途問題出現大分裂，馮煒光記得，當時在太古堂飯堂，800位同學通宵辯論三個決議案，包括主權屬於中國政府、要求戴卓爾夫人不要阻撓回歸，以及香港民主回歸，獲大比數通過，同學後來更去信趙紫陽，提出民主回歸的期望。
翌年初，馮煒光當上學生會會長，有法律系學生對主權問題非常擔心，「佢哋問，成個法律系統會點？我哋第時做乜呀？」同年4月，他收到趙紫陽的回信，「佢信入面話，可以理解香港人對民主嘅要求同對國家事務嘅關心。當時只係改革開放咗5年半，總理嘅回覆相當難得。」
當時不少港人希望英國政府延續治權，港大學生會卻發表「香港前途宣言」，支持民主回歸，又承認中華人民共和國為唯一合法政權；1984年十．一慶典，學生會獲邀上京閱兵，「香港始終係中國人嘅地方，唔能夠拉住外國人唔放，我覺得學生會當時係扮演咗先鋒角色，當時香港都無政黨、無民選議員，係我哋出嚟講嘢。」
六四事件好傷心
「不過就俾屋企人鬧到七彩囉，你咁樣搞法，英國政府唔鍾意，到時你做得乜吖？……仲乜搞埋啲咁嘅嘢？點解你會咁出頭o架！」馮煒光坦言，那時承受很大壓力，不願見親人，直至1984年4月英國外相賀維訪華，表達1997年將不再擁有香港主權及治權，「大家嘅心態先完全改變。」令他反思當年立場時，是89年六四事件，「好傷心，好唔能夠釋懷。自己作學生會會長，一腔熱血支持回歸，會問自己係唔係好對唔住香港嘅下一代。」