電影《歲月神偷》一班演員任達華同吳君如等，噚日去到中環永利街一處好有舊香港情懷嘅地方舉行記者會。多番否認大肚嘅君如，就好抵死着住件大肚婆衫出現，佢接受訪問時話戲中同華仔演一對夫妻，雖然冇親熱鏡頭，但最尷尬就係有一場被華哥按摩腳嘅戲份，佢話：「因為對腳係好私人，摸腳就好似俾人摸胸咁。何況拍咗成日戲，驚對腳會臭親佢。」