天王嫂樂基兒近日密密接job，見報率比丈夫黎明還高，她昨日又以模特兒身份出席中環置地廣場的「PassioninCentral」高級腕錶珠寶展，她示範的首飾價值超過3,000萬。
樂基兒以一襲黑色低胸晚裝性感示人，早前有消息指她肚凸凸似懷孕，但昨日行騷時只見她上圍明顯豐滿，腹部未見太凸出。
羨慕LisaS.
最近樂基兒的模界好友LisaS.宣佈退出模特兒行列，她得悉後也替好姊妹高興，她說：「最緊要係佢開心，Lisa知道自己做緊乜。呢啲都係遲早嘅事，我都好開心，見佢做talkshow做得開心。」
28歲的樂基兒嫁給黎明一年多，原來也開始計劃退休，她說：「我都有計劃退休，不過一日未到都唔會講。」莫非退休是為了生BB作準備？她說：「唔係，我可以做好多嘢，food、fashion、art，我可以出cookbook、可以讀cookingcourse，好多正常人嘅嘢都做到。」
此外，黎明與范冰冰等上周六於河南出席樓盤活動，吸引了過萬市民圍觀，場面非常熱鬧。
採訪、攝影：羅慧敏