上禮拜港股反覆下試20日線，低位有支持，反彈企喺21000樓上收市，算係企番穩。明日期指結算，好友今日可唔可以大反攻，就要睇實滙控（005），佢哋將CEO個辦公室搬番嚟香港，可以係一個炒上嘅消息，如果滙控上番90元樓上，可以刺激其他大藍籌回升。
駿威C輪16535：駿威（203）上日報收3.46元，升1.7%。駿威股價近日拾級而下，但跌幅唔算大，上日掉頭炒上，成交回增，短線有機會上試3.75元，可以諗吓隻C輪16535。隻輪現價46.5仙，2009年12月30日到期，行使價3.40元，溢價11.7%，引伸波幅65.8%，槓桿率7.4倍（有效4.3倍），正股升上3.75元，16535睇64.4仙，正股跌穿3.30元就沽咗隻輪。
俊樺