【澳門直擊】
鄭秀文（Sammi）將於年尾在紅館開騷，早前有傳因為宗教信仰，她拒絕在演唱會賣弄性感及跳勁舞。前晚Sammi到澳門演出，近日努力操弗的她穿上超低胸珠片背心，在台上載歌載舞掀起高潮，雖然她的打扮盡騷其波平如鏡的身材，但她仍一臉自信，展現另類平胸美。
將於年尾在紅館舉行演唱會的鄭秀文，前晚率先到澳門進行熱身表演，吸引周秀娜、DaDa、A.Lin、吳文忻及男友、陳煒、莊思敏及吳浩康等捧場。早前傳出因為宗教信仰，Sammi在年尾個唱上將拒絕賣弄性感，以及不會勁歌熱舞，結果激怒老闆林建岳。前晚Sammi到澳門演出軒尼詩酒贊助的音樂會，以實際行動闢謠，她穿上超低胸珠片背心和貼身褲，與一眾男舞蹈員勁歌熱舞，掀起整晚高潮，果然有天后風範。
「同我宗教冇牴觸」
近日努力操弗的Sammi消瘦不少，故此即使俯身，胸前也沒甚睇頭，她笑說：「呢排瘦咗有信心可以咁樣着，反正都係咁，畀啲胸骨大家睇。」問到Sammi會否喜好飲酒？她表示以前經常約朋友摸酒杯底談心，現在間中食飯也會嘆紅酒，家中也有收藏。由於當晚是酒品牌贊助，見Sammi也有拿起酒杯影相，她說：「呢啲同我宗教冇牴觸，只要唔好太過線就冇問題。」
欣賞曹格肯認錯
談到曹格和側田醉酒街頭格鬥，Sammi認為兩人是無心之失，她表示有看曹格公開道歉，覺得很感動，她說：「曹格大人大姐要佢公開咁認錯唔係咁易，觀眾力量好大，只要畀機會佢可以企番起身，但如果唔畀就好可惜。」Sammi透露自己開第一次演唱會時曾飲醉致嘔吐大作，現在因年紀大而適可而止。
同場有份演出的劉浩龍和Sammi合唱一曲《愛是》，之後由劉浩龍獨唱，他表示雖然已錄好新歌，但公司希望他暫時以電影工作為先，他亦表示同意，現在更努力操肌肉，他笑言年紀不小，要趁後生騷身材。
採訪：胡比
攝影：彭琮然