「林敏驄好歌好友演唱會」前晚在九龍灣舉行，擔任嘉賓的側田成為全晚焦點，阿驄更不時將他被曹格踢下體一事開玩笑，他說：「我唔信佢（曹格）同成龍飲酒會同佢隻揪。」接着出場的鄭中基（Ronald）、方力申和梁漢文也慘被阿驄戲弄，他指着Ronald說：「你試過推自己埋啲空姐度，你又俾個飛機師扑你，你坐邊間航空公司o架？」
兒子面前正經
雖然阿驄整晚都作弄所有嘉賓，但演唱會尾聲時他的兩名兒子上台獻花，他即收起搞笑本色，邊摸着兒子的頭說：「媽咪呢，邊個帶你哋嚟o架？」其前妻陳伶俐則在台下捧場。
完騷後阿驄接受訪問透露於後台曾問及側田有否受傷，問他有沒有替側田驗傷，他笑言：「有驗過，攞過出嚟睇，冇乜嘢，驗個頭囉。」阿驄續說：「佢兩兄弟冇嘢，只係一個人控制唔到。我以前唔打人，都係把口得罪人，阿田同曹格喺的士係爭畀錢。」阿驄又表示與陳伶俐間中有食飯，他說：「我本來有叫佢上台，我同佢係朋友，平時食飯又畀人話我哋講數。我有畀錢佢，佢叫我畀個仔。」
採訪：王連連
攝影：葉君海、黃偉雄