徐子淇昨日現身支持夫婿李家誠擔任籌委副主席的「MusicFirst」慈善活動。擁有八級鋼琴底子的子淇笑言小時候「八」音不全，全靠學音樂修正，但她以過來人身份謂不會強迫有音樂天份的小晞彤考琴，以免她失去學音樂的興趣。子淇又笑言已計劃安排大女晞彤四歲時學豎琴，到時可以母女檔合奏。
千億新袍徐子淇昨日穿上藍色單膊開衩長裙現身尖沙嘴TheMira酒店，支持夫婿李家誠為「MusicFirst」音樂推廣活動擔任籌委副主席，與活動主席張王幼倫一同現身，迎接特首曾蔭權來視察場地。李家誠在場大讚子淇有音樂天份，他說：「佢好識欣賞音樂同好有天份。」
不會逼囡囡考琴
在旁的子淇則自爆：「藝術唔係睇有冇天份，係要練，自己細個都『八』音不全，又走音，拍子又唔準，所以媽咪建議我學琴。」
子淇笑言兩歲半的囡囡小晞彤有音樂天份，但她以過來人身份說：「佢都幾有天份，興趣係要培養，但香港家長逼小朋友學琴，為考級數而學，其實我13歲已考到八級，嗰時只係練考試歌，都冇機會彈自己鍾意嘅歌，之後更加5、6年冇掂過琴，冇晒passion，變咗壓力。家大咗會彈番自己鍾意嘅歌，唔會逼個女去考琴。」
與李家誠齊運動
子淇又透露平時會彈兒歌給小晞彤聽，她笑說：「佢好鍾意，佢有自己嘅電子琴，自己搵個咪嚟唱好得意。」問她何時讓囡囡去學音樂，她說：「佢太細，四歲會畀佢學豎琴，自己都學過豎琴，到時兩個一齊彈會好得意。」
比起上次出席酒店派對，子淇今次更顯消瘦，她說：「差不多。」在旁的李家誠附和說：「家啱，要食番多啲。」子淇透露與夫婿一齊做運動：「佢都瘦咗，因為大家都堅持幾夜都要做運動，有時會同Leanna（晞彤）一齊去游水，佢都識游水，佢太細個，要戴住水泡游。」
採訪：JessicaNgan、LawWaiMan
攝影：WongWaiHung