為紀念已故歌手陳百強（Danny）入行30周年，一班歌迷在上環舉行的「為你喝采三十年陳百強珍藏展」昨日揭幕。Danny的父親、陳寶珠、何超鳳及楊千嬅等人齊齊擔任揭幕儀式嘉賓，千嬅稱兒時渴望嫁個似偶像的人，笑指丈夫丁子高眼細也有丁點似Danny。
陳百強的父親、哥哥、姐姐及陳寶珠、何超蕸、何超鳳、楊千嬅、袁潔瑩和同性好友阮嘉欣等，昨日在上環出席「為你喝采三十年陳百強珍藏展」，由Danny父親及陳寶珠負責揭幕儀式，原定到場的鍾楚紅則因病缺席。
學偶像飲香檳
展覽由昨日起至下月1日（本周四）開放給公眾參觀，場內展出了Danny生前的日用品、書籍、服飾、唱片及獎項等，就連他的出世紙都有展出，但不可拍照。至於身為Danny歌迷的千嬅，表示過去經常向黃柏高（Paco）問起偶像的事，她說：「Danny份人好感性，錄音中途會去買支香檳返嚟飲，我鍾意紫色同香檳都係受佢影響。」
千嬅又透露讀書時曾詐肚痛，逃學到半島酒店等Danny。問到其夫丁子高是否同樣欣賞Danny時，她笑說：「呢啲佢一定要接受埋，佢反而識唱晒黎生同學友嘅歌，從來唔聽我嘅歌。」她笑言小時候曾幻想未來老公的樣貌似Danny，她說：「丁生單眼皮細眼都似嘅，不過偶像就只得一個。」
超鳳指父康復
提到側田與曹格日前當街打架，千嬅謂已傳短訊責怪側田，她說：「我同佢講咁大個人玩都要有底線，佢就同我講對唔住，我估佢今次都俾人鬧爆，希望佢經一事長一智。」
陳寶珠指Danny為人親切，感覺如兄弟姊妹，她說：「佢有同我講鍾意我，不過佢入行時我已經息影。」陳百強父親則謂Danny的歌迷仍經常找他飲茶聊天，又指已將兒子大部份珍藏交由歌迷保管。此外，近日有傳何鴻燊將會轉院，何超鳳昨日否認此事，她更說：「何生康復情況好好，返屋企在望，中秋未必可以返去，我哋一家人會去醫院陪佢。」
採訪：李珮洳 攝影：黃文成
