官恩娜（Ella）在《超級巨聲》中唱出《EndlessLove》後，歌藝令人刮目相看，網上熱爆，近日再有人將她演繹《囍帖街》的片段放上網，大讚她唱功比原唱的謝安琪（Kay）更出色。前晚Kay現身時表示未有看過Ella片段，但仍大讚她的唱功，其夫張繼聰則力撐老婆是很好的歌手，小小瑕疵絕對不足為過，相信Kay聽到必甜到入心。
出道多年的官恩娜早前在無綫的《超級巨聲》中唱出《EndlessLove》，歌藝令人刮目相看，片段在網上熱爆，近日有網民把Ella唱《囍帖街》的片段放上網，點擊率接近９萬，不少人指她比原唱者謝安琪演繹更出色。
「咁要睇吓先」
前晚Kay到柴灣演出港台活動「瘋Show快活人─無毒KillK大會」，她得知Ella的片段熱播並說：「咁要睇吓先，好少將呢啲比較，大家各有各風格。我識咗Ella好耐，佢唱歌好聽，人緣又好，我仲知佢最近喜極而泣。」會否擔心日後出席活動時會將兩人的歌喉作比較時，Kay認為歌喉不是比拼，她說：「冇話驚唔驚，我自己唔會刻意覺得有乜嘢，總之單單純純去唱歌。自己都鍾意同人合唱，亦開心同唔同音樂人合作，唔會刻意去諗比較囉。」
Kay老公張繼聰昨午到將軍澳電視廣播城錄影《超級巨聲》，談到網民指Kay的歌藝不及Ella，他力撐老婆說：「歌手都有唔同類型，聽眾都有唔同喜好，好難比較。」至於之前有人將Kay的走音片段惡搞後再放上網，張繼聰直言：「小小瑕疵點都搵到，最緊要做好本份就OK，太太有佢叻嘅地方，係一個好歌手。」
Ella欲進軍日本
至於Ella前晚到灣仔出席「灣仔全城賀國慶」晚會，她坦言因近日多人留意自己唱功而緊張，她說：「呢排多咗工作，連下午食飯時間都要用埋嚟做嘢，但賺錢其次，有人聽自己唱歌先最開心。」至於被讚歌藝好過Kay，Ella謙稱：「太誇獎我，佢家庭事業同婚姻都處理得好好，我未到佢嘅級數，要向佢學習。」另外Ella透露將到日本拍MV，她也想在當地發展，但之前向人提及卻未有人理會。
採訪：駱華齡、王崇穎、王連連
攝影：陳順禎、藍文浩