呢排「大話犀牛」終於開始面對現實，因為佢仲要食呢行飯，惟有硬住頭皮行番出嚟見人。犀牛份人一直都好保護自己，佢行事非常小心，而且凡事親力親為，其實因為佢信唔過其他人，因為佢以前信錯人，一個係「再世潘安」，一個係「美人魚」，尤其是美人魚死纏佢唔放手，經過呢兩次教訓，佢唔敢再信人，都係信自己好啲。
要親手交衫
不過犀牛始終都要搵番個人幫吓手，佢有位左右手「粉紅」，係唯一一個令犀牛有信心嘅人，好似有次犀牛出席慈善活動，佢準備除衫上台，咁啱助手唔喺度，佢又唔想交件衫畀其他人過手，於是叫人四圍搵，最後要親手交件衫畀粉紅先安心，只係一件衫都咁小心，唔怪之得咁多年來佢收埋個女人唔會爆出嚟！
Textby關仁
