股市近期又見暗湧，其實上風波個個識打，大牛市買乜股都升，個個都變成財經專家；點知一片新股潮下，突然間連敝報經濟版日前頭條大標題都變成「抽新股冇用」，嘩，以為係大抽獎冇乜蝕底，點知嗰市唔就，啲股民仲驚抽到嗰隻新股潛水。不過股市正處牛市升軌，冇理由咁快散啩，所以今日我都要堅持捧同樣格局嘅川崎前鋒，受讓飛腳，冇有怕！
前鋒要爭4冠王，難度極大，但目前惟有見步行步；上周聯賽竟被作客嘅紅鑽打冧，痛失追近鹿角嘅機會，好彩周中喺亞冠盃都反勝鯨魚，升軌未損。今次作客另一聯賽爭標勁敵飛腳，冇得返轉頭，賠率變冷反增值博率，趁低吸納，希望扮到股神啦。
蘋果波神
近5場往績：DDWLW
讓球主客和：川崎前鋒勝[+1]
心得：仍處升軌，有賠率不要錯過