細細個時睇安達充老師嘅動漫《Touch》，見到女主角南南玩韻律操，真係好鬼優雅；返到學校，仲不時與同學一齊學南南咁做。不過，可能女校嘅學生粗魯啲，我哋學學吓，玩絲帶會變咗玩布棍。
乜嘢係布棍？咪即係《黃飛鴻》電影系列中，戲中人用白布濕水加上內功，將布變成棍咁嘅武器囉！不過，經驗所得，塊布濕咗水雖然重啲硬啲，可惜唔多夠靈活，而且布棍係軟硬兼施嘅兵器，着重協調，乾身反而仲好舞，而乾嘅布面擦落皮膚度，反而仲痛呀！言歸正轉，我已經連續5個L，真係好似俾布棍兜口兜面擊中咁「燈」。今期推介當紅嘅西布朗，可以擊敗到訪嘅水晶宮，想買我對家抑或博我反底，悉隨尊便。
吾中
近5場往績：LLLLL
主客和：西布朗勝
心得：西布朗喺英冠超班