雖然陳冠希（Edison）已名草有主，不過他的緋聞依然沒完沒了，幾乎跟他行近的異性皆有機會見報。o靚模陳煦晴（HaileyC）近日被拍到和Edison開船P而成為焦點，前晚她偕同一班o靚模姊妹出席活動，與眾姊妹一唱一和表示不喜歡給人拍照，擺明寸盡Edison。
陳冠希近日返港打理生意，日前被本報拍到和家人食飯慶祝父親生日，另外Edison也被發現和一大班朋友出海開船P，其中一個是o靚模陳煦晴，結果成為封面報道。
否認放料博見報
前晚HaileyC和一眾o靚模姊妹包括有ALin.、DaDa和AnnieG.等到尖沙嘴夜店出席活動，雖然她們只是以背心短褲打扮出現，但仍吸引大批男士揸相機捧場狂影。HaileyC順理成章成為當晚焦點，問到和Edison開船P，令人懷疑她放料博見報，她堅決地說：「我唔知Edison會去，我識佢公司個新人馬米，以前大家已經成日約出街，有時同佢去街都有見過Edison。單新聞見報後我都好愕然，我都有啲怕，而其他姊妹就問我點解去玩唔帶佢哋去。」
記者問HaileyC身旁幾位o靚模好姊妹是否恨和Edison一起玩，但ALin.、DaDa和AnnieG.等人即連聲否認，並出言暗寸Edison說：「我哋鍾意自拍，唔鍾意俾人影o架。」HaileyC也異口同聲表示，自己只喜玩自拍。
DaDa祝福羅天宇
同場的DaDa之前因拍劇而和港男羅天宇傳緋聞，但近日男方和另一《四葉草》女角林婉霞（Coffee）的咀嘴親密照曝光，更被踢爆同居，對此DaDa一臉不知情說：「吓，係咩，幾時？如果係就祝福佢哋，我都知邊個係Coffee。」是否在拍劇時已察覺兩人拍拖？DaDa表示未有發覺，至於有傳她已另覓新男友，她強調現在感情空白，未有男士追求。
採訪：何永寧
攝影：陳慧安、彭琮然