上月盟主
上周貼兩場平手盤均和波收場，輸咗條波膽過關，連續兩周冇進賬，向各位講聲「鎖你」；今次係本月最後一次在此欄同大家見面，希望好頭好尾，博波爾多周日主場擊敗雷恩，開個主W皆大歡喜。
跨季主場10連勝
波爾多下周中要兼顧歐聯，係今仗取捨勝負嘅關鍵；就以前仗聯賽為例，主場對格勒諾布爾就收起中場核心哥古夫，結果小勝1:0，擺明留力對祖雲達斯；今次教練白蘭斯會否留力仍未知，不過波爾多勝在攻力平均，有哥古夫做串連，當然進攻流暢，不過雲達爾、祖斯左右雙翼齊飛，前線查馬克、高法蘭腳風亦順，絕對唔係一人球隊。
波爾多今仗雖有阿布度查奧爾、柏蘭奴斯、祖列迪等傷兵，但絕非主力球員，影響不大；再睇睇波爾多主場戰績，已經跨季取得聯賽10連勝，而且下周中歐聯只係主場對住實力最弱嘅海法馬卡比，唔怕波爾多留力。
韓職博偶像打「鐵」
講真波爾多主W有成1.6倍，當然對手有番咁上下，雷恩仍然係法甲目前不敗之師；不過睇番佢哋作客嘅對手，大勝唔識贏嘅格勒諾布爾，根本唔叻，賽和朗斯、尼斯，對手都只係中下游分子，而且雷恩仍有一對中前場主力拜恩特同捷奴缺陣，唔信佢哋可再保不敗。
周中命中亞冠盃賓約哥W，睇番對手浦項制鐵，一啲都唔似一般南韓兵，比賽末段任由賓約哥魚肉，周六又要再上征途，作客釜山偶像；浦項制鐵下周中又要兼顧亞冠盃次回合，睇番韓職聯賽制，就算常規賽唔掂，但只要保持前6，一樣有機會爭總冠軍，權衡輕重，今次作客嘅浦項制鐵好大機會留力，冷敲偶像主W啦。
牽牛
近5場往績：DWWLL