羅家英早排接受陳志雲主持嘅節目《志雲飯局》訪問，自爆佢同汪明荃（阿姐）係互相追求，佢哋20年前去完日本旅行後就正式拍拖。至於結婚念頭係始於家英哥媽媽過身時，佢想喺訃聞加埋阿姐個名上去，但當時阿姐根本無名無份，之後家英哥就問阿姐想唔想做羅家嘅人，咁啱今年5月兩個人去洛杉磯登台，所以佢哋就選擇喺賭城結婚喇。