「邵氏出品，必屬佳片」，五十年前的金句，昔日《大醉俠》、《獨臂刀》、《刺馬》等大俠風光，時下年輕人可能聽的多看的少，趁着下月1日開始的邵氏金禧50周年電影節，大家可重溫多部經典邵氏名作，40多年前的武俠片，用今天動輒打餐死的標準來看，簡直不可思議。
撰文：吳佩思
胡金銓的《大醉俠》與張徹執導的《獨臂刀》在邵氏武俠電影中齊名，當年陳鴻烈與岳華是邵氏新人，處男作《大醉俠》，原來多得六叔邵逸夫帶挈，皆因當年胡金銓本擬自導自演扮大醉俠，其好友陳厚扮玉面虎，造型都定了，不過邵逸夫嗌停：「陳厚拍時裝片係好靚仔，但佢戴咗個頭套之後觀眾會覺得好滑稽。」於是六叔提議用邵氏培育的新人，選中岳華做大醉俠，陳鴻烈做玉面虎。
創真刀拍片先河
《大醉俠》當年作出了不少新突破，最重要的是刀。陳鴻烈憶述：「我哋用嘅刀全部係真刀，係英國以前喺科威特軍營幫佢哋用鋼鐵鑄出嚟，所以好重，而且動作會慢，到後期先改用竹刀。胡金銓讀得歷史多，所以《大醉俠》係第一套真正用明朝嘅服裝，亦都開始咗有白色嘅服裝，以前武俠片同古裝戲全部唔講究呢啲嘢，道具同服飾只係根據京戲同粵劇樣式嚟拍，之後所有邵氏嘅導演先開始改變，張徹所拍嘅戲亦都開始改用白色嘅戲服，開始講究歷史。」
用真刀真槍最大弊病是容易受傷，拍《大醉俠》時，陳鴻烈試過被鄭佩佩刺了一刀：「因為佢太重喇，打嗰陣唔小心，一把鐵刀就刺落我個嘴，第二日成個嘴腫咗。」拍《插翅虎》時吊了200多次鋼絲，有次失足從瓦頂跌下來，整個人倒轉頭部幾乎着地，幸好武師力氣大，拚死扯起他才保命，陳鴻烈笑言﹕「好彩我嗰時好輕，條腰得26吋咋！」
陳鴻烈續說：「至於第三個突破就係，《江湖奇俠》之前嘅正派全部都有笑容，但我喺《大醉俠》裏面演嘅反派玉面虎係冷面嘅，所以特別化妝化到好白，佢一出場嗰幕，大家都嘩一聲，猛話：『呢個係邊個呀？』之後所有武俠電影正派都變埋冷面，冇一個有笑容，所以你睇到《大醉俠》嘅影響真係好犀利。」
經典電影節奏慢
一眨眼《大醉俠》已是有40多年歷史，用今天的角度來看，武打節奏慢得令人不耐。兩人拿着兵器對峙，劍拔弩張，背後鼓聲雷雷山雨欲來，你屏息靜氣等待埋身肉搏一刻，誰知各自彈跳一輪、電光火石兵器一碰又各自彈開，再擺功架對峙還原基本步，陳鴻烈笑道:「有次我個仔睇番《大醉俠》，嗰陣佢得11歲，佢同我講，阿爸你係咪拍緊笑片呀，好好笑呀！我自己睇番又真係覺得好好笑﹗慢到咁，其實佢哋應該搵個高明嘅剪接師，將個節奏剪快啲，觀眾睇唔出o架！」
攝影：仇志德
場地提供：馬可孛羅香港酒店TheContinentalClub
邵氏金禧電影展
邵氏電影有「東方荷李活」之稱，片庫裏收藏了無數值得再三回味的經典電影，適值50周年紀念，天映娛樂安排了14部經數碼復修的電影，在九龍灣影藝戲院播映，讓戲迷重溫當年情。
戲名：大醉俠（1966）
日期：2/10 星期五
時間：10:30am
國際級大導演胡金銓首部武俠片，意識、技法脫俗高明，深受國際影評家讚賞，而岳華演繹出古人的豪邁。
戲名：獨臂刀（1967）
日期：4/10 星期日
時間：10:30am
導演張徹開創了百萬票房的紀錄，並樹立了新派武俠電影典範，而王羽的演出令人印象深刻。
戲名：新獨臂刀（1971）
日期：5/10 星期一
時間：10:30am
由王羽換上了另一俠客姜大偉，片中他自廢右臂隱居，再為友報仇單刀赴會，表現手足情義。
戲名：十四女英豪（1972）
日期：6/10 星期二
時間：10:30am
宋朝楊門女將衞國安民的英勇事迹，拍攝歷時兩載，動用邵氏全體女星，戰爭場面浩大獲獎無數。
戲名：金燕子（1968）
日期：7/10 星期三
時間：10:30am
女俠金燕子（鄭佩佩飾）被韓滔（羅烈飾）相救，燕卻情牽故友蕭鵬（王羽飾），三人之間愛恨交纏。
戲名：刺馬（1973）
日期：15/10 星期四
時間：10:30am
據清朝四大奇案改編，狄龍成功演繹亦正亦邪的馬新貽，贏得第11屆金馬獎優秀演員特別獎。
戲名：少林三十六房（1977）
日期：18/10 星期日
時間：10:30am
1978年香港十大賣座電影，同年獲亞洲影展最佳動作片獎，由少林片代言人劉家輝主演。
戲名：馬永貞（1972）
日期：19/10 星期一
時間：10:30am
山東少年馬永貞（陳觀泰飾）來到上海打拼，更在擂台打倒洋人大力士，雪了國人之恥……
戲名：天下第一拳（1972）
日期：20/10 星期二
時間：10:30am
劉家榮任武術指導，在1973年上映時，不但在本港引起哄動，更揚威歐美市場。
戲名：霹靂十傑（1984）
日期：21/10 星期三
時間：10:30am
導演劉家良以三德和尚（劉家輝飾）與方世玉（小侯飾）兩師徒的恩怨事迹作為焦點。
資料來源：邵氏