做龍門想保不失，但又冇卡斯拿斯、保方咁好身手，可以點樣？哥登堡門將甘基斯甸臣（圖）就教大家點行歪路；話說呢位丹麥國腳周三場瑞超聯作客奧雷布洛，開波前係咁踢龍門柱，搞到龍門細咗一、兩個波位，球證到30分鐘先發現，仲「懵盛盛」自己扶番正條柱。不過電視台錄影機就拍得甘基斯甸臣嘅蠱惑嘢；瑞典足總已講明會展開紀律調查，仲搵一班專家研究。甘基斯甸臣幫哥登堡迫和0:0，話晒球隊家同AIK蘇納喺瑞超鬥到難分難解，兩隊同得47分排1、2位，不過哥登堡攞到呢一分，後果可能好嚴重。 http://www.youtube.com/watch?v=PlhU-Ivj1u0