上月燈神
戰友吾中係三浦春馬fans，佢話三浦好似年輕版嘅武田真治，靚仔之餘又有啲妖妖哋。早幾日我借咗三浦有份演出嘅《神探伽利略第0章》畀吾中睇，佢就推介番我睇一個由三浦同埋瑛太、小栗旬及妻夫木聰一齊代言嘅美髮產品廣品。個廣告長達3分鐘，三浦佢哋4個喺裏面以「披頭四」造型示人，懷舊得嚟仲相當鬼馬，而且佢哋透過「披頭四」髮型硬銷貼服髮型，成為型男指標。
話時話，瑛太拍落三浦、小栗旬同妻夫木聰度，雖則冇咁靚仔，不過佢勝在可塑性高，而且佢對兜風耳更令佢望落似怪物小王子，唔怪得身邊女性朋友都鍾意佢啦。
近排《開倉版》走勢幾好，連續攞咗5個W，但上個禮拜推介吾中買利華古遜「大」，結果搞到佢連續5個L，真係唔好意思。今次我嘅心水係禾夫斯堡勝[-1]，雖則呢支德甲冠軍季初表現麻麻，但攻力真係唔使懷疑，今晚對住受傷病問題困擾嘅漢諾威，信佢哋開到「主勝」。
青蛙仔
近5場往績：WWWWW
讓球主客和：禾夫斯堡勝[-1]
心得：漢諾威冇咗半隊主力