陳冠希（Edison）上周由美國回港即被拍到與o靚模Hailey等人遊船河，Edison此行其實是為農夫新碟擔任監製，他前晚被發現與母親、兩位姊姊、父親陳澤民一起出現在灣仔君悅酒店吃意大利菜，一家人難得在港敍天倫，原來是為了替父親慶生。Edison更否認與Vincy情變，表示訂情鈪絕不會除下。
陳冠希（Edison）父親陳澤民前晚約7時被記者發現與前妻及兩位女兒，乘坐一部平治房車抵達灣仔君悅酒店，已申請破產的陳澤民發現記者後即拋下家人一支箭走入酒店，而盛裝打扮的三位女士則面帶笑容施施然步入酒店大堂。約半小時後，Edison獨自乘坐白色保母車抵達，記者問他是否約了家人晚飯，他並未回答，即匆匆入了酒店。
原來去年因淫照事件宣佈無限期退出香港娛樂圈的Edison，上周回港處理時裝生意，並會為農夫新碟擔任監製。他旗下的時裝店也會擴展去台灣，稍後將會抽時間到台灣為時裝店選舖位。
照顧父親生活
Edison與家人晚飯後一起離開酒店，面紅紅的Edison與父親、大姊Olivia話別後，先送了他們上車離開，而他與母親和二姊陳見飛就等司機接載，記者趁機上前問他今晚是否替父親慶祝生日？他面露笑容說：「係，一家人同佢慶祝生日，最緊要係爹哋開心。」問到父親破產後生活如何？他說：「我長時間喺美國生活，唔係咁清楚，但我哋係一家人，我自然會照顧佢嘅生活啦！」
訂情鈪唔會除
此外，上周六下午Edison約了公司員工、生意拍檔和旗下藝人何超儀出海開派對，當中出席者還有周秀娜師妹Hailey，昨日有報道指Edison與女友楊永晴（Vincy）分手後，又開始邀約女孩子參加派對。昨日Edison回應說：「你睇吓我仲戴緊同Vincy隻訂情鈪，我係唔會除嘅，你就知道我同佢感情好好，嗰次出海係時裝店嘅party，Hailey係我旗下藝人馬米帶嚟嘅，我都唔知佢做乜o架！」
Hailey昨日則回應說：「我哋朋友嚟o架咋，見過幾次。我去船河主要係同佢公司嘅藝人馬米熟，我同佢喺中學已經識，所以同佢出嚟時有見過Edison，傾過幾句偈。」報道指兩人齊匿船艙，Hailey稱因當時太曬，才跟馬米留於艙內。問Hailey會否擔心被指放料？她反應甚大說：「點會放料俾人咁影？唔關我事，記者應該係跟佢，咁啱影到我啫。」
採訪、攝影：黃曉程、羅德光
