周秀娜（Chrissie）果然係人氣爆燈，佢有份主演嘅新戲《關人7事》成為香港亞洲電影節嘅閉幕電影，噚日Chrissie、江若琳（Elanne）及鄭融一齊去旺角出席記者會，今次亞洲電影節會喺下月15至30號搞，而另一套由惠英紅及徐天佑主演嘅《心魔》亦係閉幕電影之一。當惠英紅喺台上講及拍呢套戲時，佢將「bodylanguage」講成「bodylotion」搞到全場爆笑。
講到之前有傳Chrissie獅子開大口，客串一組戲竟開價5萬，佢笑笑口話：「太過抬舉我，我會朝住呢個目標進發，我自己係新人，個口邊有咁大，之前都有人咁樣嚟宣傳。」
與藤井Lena再過招
講到有傳Chrissie同容祖兒前男友陳方藤拍拖，佢解釋話：「佢係我日本經理人，早前佢嚟香港，順便教我日文。」
另外，Chrissie今日又會同日本o靚模始祖藤井Lena喺香港同場較量，其實早於今個月初，Chrissie飛去東京為「TokyoGirlsCollection2009A/W」行騷時已經同藤井Lena交過手，今日就換主場，輪到藤井Lena來港同Chrissie一齊喺中環為品牌TITIKAKA嘅活動擔任嘉賓。