獅子行滙豐嘅集團首席經濟師簡世勳（StephenKing），英文名同驚慄小說大師史提芬．京（StephenKing）一樣，估唔到除咗同名之外，原來簡生都係鍾意創作之人，自01年起，佢就幫英國《獨立報》撰寫每周專欄，噚日路經香港巡迴路演，Stephen同華華講，早前閉關3個月，就係為咗即將面世嘅新書衝線。
簡生呢本力作，係由美國耶魯大學贊助出版，內容當然係佢至耍家嘅經濟研究同宏觀分析。呢位喺88年加盟滙豐前，曾任職英國財政部經濟顧問嘅Stephen笑住講，驚慄小說就梗係留番畀另一個StephenKing寫啦。
講開史提芬．京呢位大師，佢寫嘅作品先後拍成荷李活電影，係票房保證，包括《伴我同行》、《黑夜高飛》，同埋由影帝湯漢斯主演嘅《綠里奇緣》等。