香港人最愛的消閒活動不外乎得兩個，一是旅行，另一是行街Shopping，但求每季為衣櫃補倉。若然將兩者合二為一，你都咪話唔吸引。本月新開張的TiCKETbyazona就好似出奇蛋一樣，一次過滿足晒以上兩個願望。它以旅遊作概念，大賣隨性風格女裝，仲加設旅遊資訊站及旅人相片展，一下子，詭異得連小記都分不清究竟是在旅途中，還是在Shopping……
記者：葉雪芯
攝影：王文忠
Model：Vibecki@Starzpeople
Makeup&Hair：EmmanLi
新牌玩旅行概念
玩旅遊概念的時裝牌子，令人不期然想起元祖級的agnèsb.laMaisonsurl'eau，可惜不是慣常性推出新貨，只是玩概念居多，不少愛時裝人都甚吊癮。來到09年秋季，終於有本地薑Azona開出新血路，推出完完整整以旅遊作主題的新牌TiCKETbyazona。以「Spiritualjourneytoanewexperienceoflifestyle,cultureandstory」為口號，創作靈感擷取自旅行遊歷。
披披搭搭Layering
咁講好似太抽象，其實只要睇睇今季的服裝設計就明白當中玄機。首個秋季系列SpiritualJourney，風格都以個性、舒適和不多花巧為重點。經常去旅行的人士一定明白到披披搭搭這種「冷可穿、熱可除」的Layering襯法有幾重要，秋季正是主打這類十分適合Mix&Match的Layering和Cutting。另外，今季大部份的顏色都以單色調例如黑白灰為基礎，再配紅、藍、綠作點綴，全屬中性色調，基本上去邊個場合都襯，十分百搭，整體設計驟眼睇都甚有一派o架妹風格。簡單一句講晒，即是想大家旅行Feel得來，又輕輕鬆鬆有Style咁解。
機場專區有請杜如風
雖然話經濟開始復蘇，不過大家荷包的元氣依然是五勞七傷，在逆市下再開一新牌子，都算幾冒險。或者正正是這原因，TiCKETbyazona上場並沒有開天索價，大致只屬二百至四百左右的價位，以質料及設計的水準來說，算是十分親民。
入到店舖，即使唔買，都一樣有嘢玩，場內特別開闢一角旅遊主題區「i-Area」旅遊生活展覽裝置，靈感取自機場的InternetZone，特設電腦讓顧客隨時取得旅遊資訊，兼賣小部份旅行日用品，拖個「吉」篋過來買嘢，掃完貨可以即刻上機咁滯！店內閒時更會定期找來不同的單位合作，分享旅遊體驗，今期就搵來日本通杜如風合辦「TiCKETbyazona×HelenTo–ASharingExhibitionofTravelExperiences」，勁Show杜小姐的旅遊圖片，感覺就似去咗外國機場嘅旅客資訊站，馬上勾起去旅行條癮啊！
TiCKETbyazona（31064180）
沙田新城市廣場第一期4樓419舖