曹格和側田這對沙煲兄弟，日前竟然飲醉酒後當街武鬥，甚至拿起路牌作武器，令人對他們形象大打折扣，圈中人對兩人打架事件亦議論紛紛。
陳奕迅：自己未試過飲醉酒打交，最多係瞓覺，如果飲醉我一定快醉過佢哋，可能阿田買頂帽細一個碼，頭皮好凸，佢好勁，最緊要兩個都冇受傷，而且酒意正濃，一時衝動。不過好嬲，家我不滿側田同曹格，本身我嚟係宣傳國語碟，但家因為呢件事，變咗問佢哋啲嘢，我好嬲。
鄭融：嚟緊我會同曹格拍個音樂節目，之前大家開過會，工作人員提議過將個佈景整成好似曹格屋企咁，而曹格話到時可以一邊飲酒一邊傾偈，但我聽到話飲酒已經拒絕。其實佢同側田都好似細路仔性格咁，只係頑皮同率直，相信玩完之後冇事。
惠英紅：當街打交梗係唔好，好暴戾咁，做人應三思而後行，特別係身為偶像，因為有fans可能會跟住做，為咗要教育下一代，做偶像應要小心自己行為，有乜嘢咁大件事要打交，有時間要充實自己內涵。
曾志偉：聽聞警方介入，可能係破壞公物，佢哋都係玩耍，互相比試咋，咁唔好搞政府公物。至於曹格踢側田下體，我都會踢阿倫（譚詠麟），冇所謂，我知佢好少用。
張敬軒：可能係友誼賽，我同阿田間中都過吓招，其實係好朋友，瞓一覺就冇事，佢哋兩個都鍾意摸酒杯底。其實佢哋係咪拍MV呀？搵曹格客串MV《中環風雲》。
鄭嘉穎：邊個贏先？佢哋咁大個人，應該識諗，相信呢件事之後佢哋會更成熟。
王馨平：我好鍾意佢兩個音樂人，特別係曹格。可能鍾意音樂嘅人都有藝術家脾氣，又可能佢哋後生，又飲咗酒，我對佢都有少少失望。
人物誌：曹格迷李小龍練拳習武
曹格1歲時，父母離異，他受父親影響，自小便迷上李小龍及習武，也承襲對方好打不平的氣慨。16歲時赴紐西蘭讀書，第一天便跟同學打架，自此一星期打足五次，後來索性練拳，幾乎未逢敵手。不過自知「揪得」的曹格多年來經常惹是生非，更曾多次被拍下受傷入院的照片，而他太太吳速玲亦禁止曹格酒後入房抱兒子。
