中國中冶(1618)果然於上市首日即跌穿招股價，慘成今年以來表現最差嘅新股。散戶若有入票申購，每手股份要輸錢740元左右。一開市即要你輸錢，誰說抽新股沒有風險？
四叔以往睇市唔知有幾多散戶認同，但佢昨日話呢一輪新股係「豬頭骨」，即係「冇乜肉食」，卻係十分公道。其實近期不少新股上市定價都太高，唔少人亦心知肚明，不過問題係散戶唔輸錢，永遠唔識驚。
反映乾散貨運輸之波羅的海指數，自今年中由高位回落以來，近期仍未見起色，不過有分析指出，第四季行情或有反彈，航運股可列入觀察名單。
太平洋航運（2343）中期純利雖倒退78％至7483萬美元，但已比其他業績「見紅」嘅航運股好得多。太航昨續跌2％，收報5.31元，跌至100日線（5.29元）水平或會先行反彈，但往上阻力亦不輕，要成功突破5.85元才有望轉勢，可吼位炒上落，失守5元撤退。
方星俠