花旗股市喺議息結果同聲明公佈之後掉頭下挫，聯儲局放聲氣話研究推出一啲退市嘅初步措施，股民爭相走避，噚日港股就出現大成交插穿10日線，不過恒指喺20500好有power，唔會咁易穿。睇番區內嘅股市其實唔算太差，港股昨日急跌544點，睇嚟似係借勢調整。
中銀C輪17248：中銀香港（2388）昨收17.24元，逆市升兩個位。中銀近日力守20日線，睇勢有機會上試月中高位18.66元，破位就睇20元，可以諗吓隻C輪17248。
隻輪現價31仙，2010年12月30日到期，行使價18元，溢價22.4%，引伸波幅46.7%，有效槓桿率3.1倍，正股升上20元，17248有機會見48仙，如果正股跌穿16.20元就沽咗隻輪。
俊樺