一向都係環保先鋒嘅盧冠廷，近日出山幫亞視主持一個以環保為題材嘅節目《智慳任務》。唔少觀眾都知盧冠廷屋企係用太陽能發電同種植有機蔬菜，所以由佢嚟主持環保節目可謂勝任有餘。喺節目中盧冠廷會自備餐具去快餐店買外賣，測試吓店員嘅反應，仲會質詢各集團嘅高層有關佢哋嘅環保政策，點樣可以減少使用即棄餐具，為環保出一分力。