近排豪宅市場熱到爆，尖沙嘴單幢豪宅名鑄，賣成兩千幾萬嘅一房戶都有人要，不過，長實（001）喺何文田嘅富甲半山就賣得麻麻，一個禮拜先賣得70伙，同名鑄首日就賣出60伙有天淵之別。
賣成咁，計仔多多嘅長實，索性谷行宣傳，噚日繼續搞記招，但記招完後，市場就傳出前政務司司長陳方安生都入市買富甲半山嘅消息，話陳太或有關人士用五千幾萬銀，買咗半山徑19號同21號高層單位，呎價大約一萬二千銀。
華華聽到咁「震撼」嘅消息，立即致電陳太求證，點知陳太透過發言人否認她本人有買富甲半山的單位。
聽聞買樓嘅人，好似係陳太嘅親戚，但有幾親就冇人知道。其實有心人如此放料，莫非想借陳太嘅知名度嚟過橋？