薛凱琪（Fiona）日前宣傳運動品牌時，穿上熱褲踢足球，被影到疑似走光照，昨日她和周柏豪及葉文輝在青衣出席新城飛躍校園活動，席上周柏豪竟取笑Fiona走光被打大格仔，激得Fiona追打他。
「佢冇興趣睇走陰」
Fiona笑說：「我唔鍾意咁俾人影相，冇預期咁俾人低炒影，我有做足預防措施，有着打底褲，但條打底褲係短咗啲，但個格仔打咁大，會俾人誤會。」有記者笑她「走陰」，不過她以為是指她唱歌走音，她謂很介意被指走音，後來知道是「走陰」後，Fiona說：「我都好介意俾人咁講。」
Fiona表示若是初入行，一定喊餐飽，不過現在看化了，問她可有向房祖名和方大同訴苦，她笑說：「佢哋冇興趣睇走陰。」
採訪、攝影：丁寧