鄭秀文現正積極為12月的個唱做準備，有傳信教後的她在個唱中打算加插福音歌，又不唱快歌和跳舞，弄致與老闆林建岳鬧不快。鄭秀文昨日強調岳少支持她出福音碟，並謂不會只唱耶穌。
鄭秀文（Sammi）、梁詠琪與張瑪莉昨日在銅鑼灣出席宣明會活動，Sammi表示除了參與慈善活動，近日正積極籌備12月舉行的個唱。有指她信奉基督教後，因不想與其宗教有衝突，所以在12月的個唱不想唱有違宗教的快歌，如《十誡》，又不肯跳舞，更希望加插福音歌曲，令老闆林建岳不滿。
「我練緊大隻」
Sammi說：「希望大家同我澄清吓，我將宗教同工作係分得好開嘅，絕對唔會混為一談。今次會有更多快歌，要更多嘅體力，我家練緊大隻。」
談到與老闆鬧不快，Sammi說：「公司同老闆都好支持我，林生好易話為，佢仲好鍾意同人分享，我11月會出一張福音碟，都係公司提議我咁做，我隻福音碟唔同以往嗰啲，會係做番Sammi嘅風格，因為福音歌有好多，我係會用番我嘅風格，唔會淨係唱耶穌同神愛你。」
否認避開華仔
問Sammi在個唱中會否唱福音歌？她說：「唔會刻意，我都唔會刻意宣揚，我知道我工作係要帶娛樂同快樂畀大家，我分得好清楚。」有指她因為劉德華早前被踢爆已婚，弄致滿城風雨，所以推掉與華仔合作的賀歲片，Sammi澄清說：「我一開始都話因為下半年有好多工作，冇接到，絕對唔係唔同華仔合作。」
採訪：胡比 攝影：陳慧安
