胡定欣早排喺無綫劇集《古靈精探B》中谷胸大跳鋼管舞，片段被放上YouTube後，瀏覽人次已超過5萬，都咪話唔犀利。不過噚日胡定欣現身中環，着吊帶連身裙嘅佢行落梯級時，剛巧一陣微風吹過，凸出成個圓潤肚腩仔，同之前性感迷人嘅黃蜂腰鋼管女郎造型都相距頗大，不過胡定欣就似乎唔多介意，掂行掂過，懶理途人眼望望。