椋名凜同苟芸慧噚日到銅鑼灣示範鞋履，原先着上空姐制服嘅椋名凜之後換上便服，示範一字馬同拱橋高難度瑜伽動作。椋名凜表示以前喺日本都試過玩制服遊戲，不過就未有同男友玩過，佢仲自爆最鍾意着護士制服，因為覺得好sexy，最近佢被拍到同外籍模特兒拍拖，佢回應時故作神秘咁話：「要保持秘密，總之喺香港就有好多朋友。」