【第21屆亞姐今日舉行】
《2009亞洲小姐競選》港澳賽區今日舉行，一眾佳麗大戰前夕繼續被起底。8號戴瑞姍煲煙攬仔蒲爛場，blog上粗口橫飛，水着照任睇唔嬲；9號鍾維退選07年亞姐全國網絡賽後又捲土重來；1號張加慧影娘爆model照喪騷「受損」胳肋底，哈囉喂前嚇你一驚。
今屆亞姐是非不絕，昨日亞姐佳麗又獻新猷，繼續被起底。現年22歲、報稱任職滑水助教的8號戴瑞姍（Trudy），原來曾經上演過飛女正傳。昨日本報記者在其Xanga中發現她在blog上中西粗口合璧，鬧人唔使本，06年有幾篇文章分別寫道：「你好嘢...fxxkingthingsanymore」、「仆街。又要人講。講左又×。」
自稱已戒煙兩年
粗口遍佈Xanga之餘，相簿中更有戴瑞姍多幀攬仔照及大量水着照。另外，其女友人Kamei的網誌上也有大批戴瑞姍的相片，Kamei今年1月上載一篇「Happy2009」的文章，表示12月30日蒲爛場時巧遇戴瑞姍，並張貼了兩幀照片，相中的戴瑞姍手拎香煙攬着女友合照。
之前有傳戴瑞姍是煙民，至日前有其煲煙照流出，她昨日現身亞視大埔總台時惟有招供：「我唔否認相中人係我，不過呢啲已經係好耐之前嘅事，我受朋友嘅影響先去試，但只係食咗一、兩年，戒咗兩、三年，之後因為我做助教，而且亦知道對身體唔好，所以戒咗煙。」
至於9號鍾維就參加過2007亞洲小姐全國網絡賽區，當年她獲得晉級資格，又曾大晒性感照博加分，但最後因私人原因退賽，無緣打入內地總決賽，相隔兩年後她低調再選，對亞姐都算不離不棄。
1號張加慧舉手攞膽
1號張加慧和5號林紫君均曾任職模特兒，年前兩人拍攝的model照可謂娘鬥土，貌似吳雨霏的張加慧尤其攞膽，04年她拍影樓照，其中一造型她穿露膊泰山裝擺出「綺夢」的舉手甫士，但她胳肋底出現一大撻紅印，有礙觀瞻。
撰文：丁寧
各位讀者如果認識十二位亞姐，知道她們的底細，歡迎電郵mailto:[email protected]報料。
