【本報訊】「雖然係假結婚，但係我對佢、同佢個女都好好，我好錫佢個女，成日帶佢出去玩o架。」疑戲假情真愛上假妻阿芳的阿談，昨斬人後、跳樓前，向趕至的警員細訴錯愛之路。他表示曾向阿芳的情夫要求讓愛，但「傾唔掂」，更將手機遞給警員：「你同我打畀佢（情夫）吖！」
被指終日疑神疑鬼
被斬至重傷的阿芳，在港原有一姓梁男友，即其女兒的生父，兩人分手後，阿芳再結識了一名男子，就是阿談所指的情夫。昨日事發後，一名自稱是阿芳「好朋友」的袁姓男子到訪，他指阿芳曾表示阿談擔心她離去，終日疑神疑鬼，「男人打電話嚟又驚，女人打電話嚟又驚，成日問住去邊度！」警方其後將袁帶走查問。
阿芳工作的水療中心姓謝女經理稱，當日阿芳由阿談陪同見工，阿芳每日下午4時工作至凌晨2時，「印象中佢哋夫妻好恩愛，丈夫日日接放工。」不過，阿芳的同事說：「其實佢老公都好黐身啫！」
阿談在深水埗一間酒樓當廚師，同事說近日見他心事重重，前日下午阿談還在酒樓工作，至昨晨警員到來調查，同事才知道發生悲劇。