英格蘭老牌領隊卜比笠臣早前因癌病而與世長辭，享年76歲，一班有心人喺禮拜一就幫佢搞咗個追思會，超過1,000人出席，當中包括費格遜、艾歷臣同卡比路等名帥，以及佢嘅舊將連尼加、舒利亞同「加薩」加斯居尼等；期間加斯居尼仲忍唔住喊起上嚟，場面感人。咁又難怪，加斯居尼係老笠一手發掘出嚟，如果唔係老笠咁有眼光，佢亦可能上唔到位做球星。另外，老笠生前教過嘅葉士域治同埋紐卡素為咗悼念佢，禮拜六喺英冠對壘時，球員會着特別版波衫比賽。